شباب فري



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 نكت مضحكة خفيفة ......!!!!! ........

اذهب الى الأسفل 
كاتب الموضوعرسالة
دموع الورد



انثى عدد الرسائل : 12
العمر : 32
الانذارات :
0 / 1000 / 100

السٌّمعَة : 0
تاريخ التسجيل : 11/02/2009

مُساهمةموضوع: نكت مضحكة خفيفة ......!!!!! ........   السبت فبراير 14, 2009 5:30 am

* ابلة سألت طالب قالت له ,, عندك 5 دينار و اخد منك خوك دينارين و نص,, قداش يقعد عندك,,, قاللها ما يقعد عندي شي ,, قتله كيف قاللها و الله ما يقعد عندي حاجة ,, قتلها توا بتعرف الحساب احسن مني قاللها توا انتي بتعرفي خوي احسن مني .

* في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف و الله اعرفت حمار و انت ما اعرفتكش .... قاله عادي ,, الحميـــــر تعرف بعضها .

* في طالب قالت له الابلة جيب بــوك .. امشي جي بوه قال لي الابلة خيره ولدي ,, قالت له ولد غبي ما يعرف شي ,., قال لها كيف ولد ذكي ,, قالت نسأله سؤال كان جاوب ولدك ذكي ,, قالت للولد برا دور عليا لوطى ,, امشي الولد دور دور و ارجع ،، قاللها يا ابلة دورت عليك في المسرح و حجرة المدرسات ما القيتكش ,, اتلفت له بوه و يضربه كف .. قال له تي برا شوفها في الادارة يا حمــــار .


* قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه .

* في واحد ترهوني امشي لي طرابليس القي خلاط امتع عصير قامه و اقعد يفحص فيه ما يعرفاش شنو هوا قال و الله نشري واحد و انروح بيه ... المهم روح بيه للبلاد ,, جابه للجماعة حطوه في النص ,, و دارو عليه دورة ,, و يفكرو فيه شنو هوا,, بعد ساعتين ناض اذكى واحد فيهم على اساس ,, قاللهم و ربي الكعبة ما يطلع الا غسالة شخاشير .

* في مراءة ديما اتعيط على راجلها .. في حوش بوي ديما نمشي للسوق في حوش بوي ديما نشري في حوايج ,, شاديتله 24 ساعة حوش بوي ,,, حوش بوي,, مل منها ,, قاللها و النبي هيا بدلي حوايجــك ,, قتله وين للســوق ,, قاللها لالا ,, لي حوش بــوك .

* مرة واحد سكران قابل واحد سودانى لابس جلابية بيضا قال انا اول مرة اشوف تلاجه موتورها فوق .

* مرة واحد واقف قدام التلاجة بيفتح الباب بتاعها براحة ويقفلة تانى جة صاحبة وقالة لية كدة قالة اموت واعرف مين بيطفى النور من جوة .

* مجنون ما يعرف العلك، وشراله علكة، قعد يعلكها لين الليل و يقول : و الله ماني نايم لين أخلصه .

* فيه ابلة تشرح للطلبة درس الاتحاد قوة امشي نوضت طالب اسمه بو عجيلة ..قالت توا بنعطو لي بوعجيلة عصى وحدة بكسرها ,,طربق بوعجيلة العصى,,قالت توا بنعطو بو عجيلة عصاتين مع بعض,, طربق بوعجيلة العصاتين ,,,بعدين قالت توا بنعطو بوعجيلة الحزمة كلها ما يقدرش ايكسرها ,,,امش طربق بوعجيلة الحزمة كلها,,,قتـتله افلقــت الدرس يا بوعجيلة .

* في شيباني ليبي امشي من سيربح المليــون امش سأله جورج قرداحي قاله من جاي معاك ,,, الشيباني قاله أمـــي ,, امشي جورج قرداحي قاله عنــجد أمـــك ,,(يعني بجديات).. قاله الشيباني عنجـــد بـــــوك .

* جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه .

* مرة ديك وفرخة ماشيين جمب محل شاورما ام الديك قال للفرخة شوفتى جزاء الى مبتسمعش كلام جوزها .

* واحد سكران طينة امعكس في الشارع في الليل القي سوادني شاد شكاير كناسة قاله ربي ايصون .

* اتنين مساطيل بيحششوا فوق السطح وجنبهم ديك لما صحا الديك الصبح ادن وقال كوكايين كوكايين .

* سأل الولد أباه قائلا كيف تعرف ان الشخص مخمور فقال الأب الشخص المخمور ياولدي يرى تلكالشجرتان أربع شجرات ولما نظر الولد الى حيث أشار أبوه راىشجرة واحدة فقط .


* قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم" ان ن ن ان نن ان ان ان ان ان " خيرك ياراجل قول شن فيه" أن ننن أن ان ان ان ننننن " إيه علينا عاد .. قول شن فيه
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم ان ان ان انسيت لفلوس في الحوش وااااك علينا .. ليش ياراجل ماقلتش من الأول هكي تدير فينا
المهم الجماعة رجعوا وفي الطريق قعد ايقوللهم" اننن اننن نننن ننن ننن نن نن " لاحول ولا قوة إلا بالله ... قول يراجل .. شن فيه وانت اتوتوت .." انن نن ننن نن ننن "إيه علينا عاد ... أنطقها هالجوهرة
المهم الجماعة وصلوا مدينتهم وهو قاعد أنن أأنن ننن لما وصلوا منازلهم ونزلوا من السيارة قاللهم "انن انن انن انن انبصر عليكم "!!!!!!؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ساسوكى
شاب مبتدئ
شاب مبتدئ


ذكر عدد الرسائل : 41
العمر : 29
الانذارات :
0 / 1000 / 100

السٌّمعَة : 0
تاريخ التسجيل : 10/02/2009

مُساهمةموضوع: رد: نكت مضحكة خفيفة ......!!!!! ........   الأحد فبراير 15, 2009 4:23 pm

هههههههههههههههههههه
شكرا لكى على النكت الحلوة

وااااصلى معنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البرنس



ذكر عدد الرسائل : 19
العمر : 29
الانذارات :
0 / 1000 / 100

السٌّمعَة : 0
تاريخ التسجيل : 27/02/2009

مُساهمةموضوع: رد: نكت مضحكة خفيفة ......!!!!! ........   الجمعة فبراير 27, 2009 5:29 pm

شكرا على النكت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت مضحكة خفيفة ......!!!!! ........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب فري :: الأقســام العـامة :: تسلية شباب فري-
انتقل الى: